Wakt milega nahi to katega zarur

Kai varsh pahle ke hain kai kisse

Jab ab bache kahaniyon ke hisse

Ye un dono ki baat hai jab milte the dar roz

Hath pakad kar saath chalna jab tha aam sa

Kahin ruk kar kisi dukan k sheeshe main jhank kar kahna “woh accha hai”

Nikal jana kahin dunia se door fir ghabrana 

Yunhi chala tha silsila ye saalon-saal 

Fir hua yun ke aaya jawal 

Laya apne saath kai sawal jinka tha na koi jawab

Bas Zindagi chali, kafi kuchh badal gaya

Rahe do parinde lekin ghar gaya 

Basi to thi do dunia alag si 

Lekin kahin kuchh tha jo kam rah gaya

Kai raaten biti to bane kai saal

Baal halke safed, wajan badha 

Lekin ye sirf wajan nai tha jo badha hua tha

kandho par bojh bhi kuchh nahi kam nahi tha

Ab to darr bhi lagne lagta hai khud se baat karne se bhi, kahin kisi dil ke kone main koi sun le to hoga sambhalna mushkil

Yunhi lakir par chalte hue kisi ne achanak pooch lia haal,
 yunhi laga jaise mere sote hue chahre pe kisi ki ungaliyon ne mujhe uthaya

Aankhen khuli to koi nahi tha par ek hawa 

Ghuma idhar udhar bana nahin kuchh kahin kidhar 

Gaya tha milne to nishabd sa khada tha 

Dekh kar usko laga jaise main ek sookha ghada tha

Us din so na paya tha, haan waise soya to pahle bhi kahan tha, 

Aage badh chala tha woh shayad thoda kush tha

Chehra khila hua aur ek ajeeb si umang thi 

Ki kai baar baten lambi, kafi din baad kisi ne pooch tha kaise ho, kaisa tha aaj ka din 

Bas muh khola hi tha kuch kahne ko aur lambi saans lekar bas chup ho gaya

Bas mand sa muskuraya aur kaha thik hoo

Baaton baaton main hua fir ek baar sahaj sawal jawab, pata lagaya ki zindagi woh nahi ab jiska dekha tha khawab 

Main kal bhi pareshan tha aaj bhi hoo, koi nai baat nahi, aaj woh bhi pareshan hai, ab ye ghabrahat hai

Bas tasalli hai ke ab koi sun lega jab wakt milega 

Wakt milega nahi to katega zarur

Jab main kuch nahi tha to kuch tha,

bohot kuchh ho kar bhi aaj kuchh nahi hoon 

Neeraj

Kya hua jo nazar nai aati tum

Hawa chali ja rahi thi kahin,

Jane kahan se aayi thi,

Kisi ko jhonke lage tere,

Kisi ko thapede maar ja rahi thi,

Ruki to sukhe patte tak na hile,

Aandhi bani to mahal ukhade ja rahi thi,

Yoon naraz hoti hai kabhi to tufan ban k barasti bhi hai,

Magar baras kar rukna bhi hai ye samajhti bhi hai, 

Ek mauka dene ko tarasti bhi hai,

Kabhi khidkiya khadka ka kar andar aa jaati,

kabhi bahar kheton khaliyano ko lehrati 

Kahin kisi ek chhaya dar ped ke niche,

mazdoor ki dopeher ki neend ko pura karti tum,

Kabhi kisi pataka ko fehrane ka mansuba rakhti tum,

Kahin kisi masson k chhote pankhe ko ghuma kar hasti uske saath,

Kabhi kisi Khushboo main mil kar romani karti sama,

Kabhi kisi ghar ki bhujhati tum shama,

Kahin kisi banjar sukhi zameen par mitti udati tum,

Kahin kisi ki gamzad aakhon ka pani sukhati tum, 

Tik tik karte samay ke jaise kabhi haath main na aati tum,

Kya hua jo nazar nai aati tum... 

kisi ki udaan ko jab pankh lagati tum,

kya hua jo nazar nai aati tum...

By 

Neeraj Goel